Ndonëse askush nuk e di arsyen e vërtetë të ndarjes së Florianës nga Tedi, thashethemet e deritanishme janë të ndara në dy kampe: Disa bëjnë fajtore moderatoren dhe punën e saj, të tjerë akuzojnë Tedin për një lidhje tjetër, me një modele në Greqi. E ndonëse çifti ka vendosur të qëndrojë në heshtje, nuk ka bërë të njëjtën gjë Ersi, motra e Tedi Ngjelës e cila ka shpërthyer me një status në ‘Facebook’. “U bëj thirrje ‘pabuksëve’: boll hëngrët m.. lart e poshtëë me shpifje! Ju lutem vazhdoni ‘zanatin’ tuaj të vyer, vazhdoni ëndërroni me presh, vazhdoni me burrat dhe baballarët e të tjerëve, por ju lutem, boll hëngrët m.. me shpifje”, ka shkruar Ersi. Ndonëse nuk është është shumë e qartë se kujt i referohet, ndjekësit e kanë perceptuar këtë si një sulm ndaj Floriana Garos, ish-kunatës, falë të cilës Tedi ka qenë kryetitull në shumë portale online gjatë javëve të fundit. Por e kontaktuar nga “Bluetooth”, Ersi, motra e Tedi Ngjelës ka shpjeguar: “Jo, nuk e kam për Florianën! Nuk i referohem asaj”. Ajo është treguar kategorike, teksa refuzon të shpjegojë diçka më shumë për ndarjen e tyre, duke thënë se lajme të tilla nuk i shërbejnë familjes së saj. Megjithatë, thuhet se ndarja mes çiftit nuk ka qenë aq paqësore sa duket në pamje të parë pasi sipas ‘gojëve të liga’, shkruan suplementi, Tedi dhe Floriana i kanë dhënë fund marrëdhënies disavjeçare dhe bashkëjetesës pas një krize të madhe që zgjati për disa muaj. (Anabel.Al)
