Para pak kohës, Majk dhe ish-partnerja e tij, Majlinda Zeka, kanë qenë në qendër të vëmendjes për shkak të debateve në lidhje me djalin e tyre, Roanin. Majlinda e akuzonte reperin se nuk kalonte fare kohë me djalin, madje nuk paguante as detyrimet. Ditën e sotme, Majk ka publikuar disa momente shumë të bukura që ka kaluar me djalin e tij, si dhe momentin kur Roan e thërret atë ‘papa’.
Në foton e dytë, Roan duket në tavolinë me babain dhe gjyshen e tij, duke drekuar. Nuk është hera e parë që Majk publikon foto me djalin e tij, ama këto pamje hedhin poshtë të gjitha thashethemet në lidhje me djalin dhe kujdesin që reperi tregon ndaj tij. Majk është shprehur shpesh herë se ndihet me fat që e ka Roanin dhe që pas lindjes së djalit, jeta e tij ka ndryshuar rrënjësisht. Kujtojmë që reperi sapo publikoi këngën e tij të re “Nuk dorzohna”, por mesa duket suksesi i këngës nuk e ka ndaluar të kalojë momente me familjen e tij./revistawho.com
