E nkelejd Mezini, i njohur si sozia i Brad Pitt në “Big Brother 7”, prej dy vitesh jeton në Shtetet e Bashkuara të Amerikës, ku ka nisur jetë të re pranë bashkëshortes italiane, Suzane Cuomo.
Ajo punon mësuese në “Quine’s Long Island”, ndërsa 30 vjeçari i rritur në Greqi përveç punës si menaxher në një restorant VIP, ka prekur ëndrrën e aktrimit, duke kapur rolin e parë në Hollywood. Ish-lojtari i “BB” luan modelin në krah të Mike Colter, Frank Whaley, Alfre Woodard në serialin me krimet e jetës së natës së New York-ut. Djali shtatlartë gjatë lojës në reality shoë i etiketua si sozia shqiptar i Pitt, për shkak të ngjashmërisë fizike që ka me aktorin hollivudian seksi. Sapo ka prekur ëndrrën kinematografike bashkë me Marko Cakën, për të luajtur si aktor me produksionin hollyvudian “Marvel e Disney”, që është projekt i një seriali të madh “Luke Cage” i Marvel e “ABC studio” Enkelejdi rrëfen për revistën “Story” stilin e ri të jetës në SHBA, dhe si reagojnë femrat kur përballen me kopjen e Brad Pitt.
Si sozia shqiptar i Brad Pitt që të njohin tashmë, çfarë roli të kanë besuar në produksionin Hollywoodian?
Kam rolin episodic të një fashionisti në serialin “crime action” me skena nga jeta e natës në New York, dhe ndihem e lumtur.
Të kemi parë dhe të bësh modelin para një piktoreje të njohur. Mund të na e tregosh më shumë rreth kësaj eksperience?
Po, para pak javësh isha i ftuar në një event shumë të madh, një ekspozitë pikturash. Piktorja 43 vjeçare nga Zvicra, Diana Pincks shumë e njohur këtu në Long Island me kërkoi të jem modeli i saj. Pikturën në fillim e nxori në shitje me vlerën 2500$, por pastaj e mori me vete në Zvicër. Vendosi ta mbante për vete pasi është e para punë, që ajo ka bërë me një mashkull, dhe për më tepër të zhveshur. Flas përditë me të, sepse shkruan edhe për revistën 25A këtu në Long Island, ku kam nisur të botoj dhe unë artikuj për “antiage”.
Cili ishte kontakti i parë me të, dhe pse të zgjodhi ty mashkullin e parë të të zhveshur nudo në pikturë?
Jemi njohur pranë restorantit “Hendrix Tavern Roslyn”, ku unë punoj si menaxher dhe organizoj festa për VIP-a. Aty kontaktuam dhe i rashë në sy.
Kupton që e tërheq diçka tek ty si mashkull?
(qesh) E vërteta është se të gjitha femrat e “Long Island” janë çmendur pas meje.
Pse kush tjetër?
Po ja para disa muajsh ishte tek restoranti “Hendrix” ku unë punoj si menaxher, nëna e Lindsey Lohan, e cila është shoqe e ngushtë e bosit tim. Sapo më pa, m’u afrua dhe më tha: “Njëra nga dy vajzat e mia duhet të martohet patjetër me ty”, dhe më buzëqeshi. Edhe shumë klientë të tjerë më pyesin nëse jam i martuar se duan të martojnë vajzat për mua. Këtu njerëzit janë shumë të hapur, t’i bëjnë propozimet direkt fare.
Si burrë i martuar që të ka ndodhur të tundohesh?
Jo. Ua them që në fillim që jam i martuar, spese jam njeri me këmbë në tokë. Ato më pyesin ku mund te gjejmë një djalosh si ty? Dhe unë duke qeshur u sugjeroj të vijnë në Tiranë.
Je përshtatur me ritmin e jetës në Amerikë, ndihesh në vendin e duhur për ty?
Po, tani që po ambientohem më duket shumë “nice” jeta këtu. /kosovarja.com
