Aktorja Mimoza Marjanaku ishte e ftuara e radhës në emisionin ‘S’e Luan Topi’ në Top Channel, ku ndau me publikun episode personale nga jeta e saj, vitet e studimit, emigrimin dhe mungesën e familjes.
Gjatë bisedës, Marjanaku u ndal edhe te koha e studimeve, duke zbuluar se ka ndarë të njëjtën dhomë konvikti me këngëtaren e njohur Parashqevi Simaku. Sipas saj, pavarësisht famës që kishte, Simaku ishte një vajzë e thjeshtë, që sillte veten si çdo studente tjetër.
“E kam pasur në kurs Parashqevinë. Ajo erdhi disa vite më vonë. Në vit të parë kam qenë në një dhomë më Parashqevinë, dhe pse ishte artiste e njohur ishte konviktore. Parashqevia e vërtetë ishte artiste, kur erdhi kishte një tagër tjetër si ne kur erdhi në shkollë. Kemi kaluar shumë mirë. Ajo e harronte faktin që ishte artiste kur ishte me ne, sepse kishte hyrë për të bërë diçka të re. Ishte e thjeshtë.
(Komenton foton me Parshqevinë), kam bërë zbor e Prashqevinë dhe Monika Lubonjën”, u shpreh aktorja.
Aktorja foli gjithashtu edhe për situatën aktuale të Parashqevi Simakut, duke komentuar videon e saj që u bë virale në SHBA rreth një vit më parë. Marjanaku tha se ajo pamje i ka shkaktuar dhimbje dhe se mendon se këngëtarja nuk ishte e përgatitur për atë ekspozim publik.
“Kam ndjerë dhimbje dhe kam pasur bindje që Parashqvia s’ka qenë gati për t’i bërë atë lloj ekspozimi. Ajo nuk ishte gati. Ajo kishte probleme ende. Aho video u përdor, u përfol shumë, ndërkohë që u përfol se është gati për të bërë një koncert. Nuk e besoj që është gati. Për mua u shfrytëzua”.
Rrëfimi i Marjanakut solli një këndvështrim më njerëzor dhe të sinqertë mbi jetën e artistes së njohur, larg skenës dhe famës që publiku ka njohur prej vitesh.
