Ish të dashurit e saj janë bërë prindër, Rihanna mendon të bëhet nënë

Dy ish të dashurit e Rihannas, Chris Brown dhe Drake, janë bërë baba. Në vitin 2014-të, Chris u bë baba i një vajze, ndërsa Drake pak kohë më parë pranoi se ka një fëmijë me Sophie Brussaux. Duket se kjo gjë ka ndikuar shumë në mendimet e Rihannës për mëmësinë. Një mike e saj ka treguar për ‘Hollywood Life’ se Rihanna ka filluar të mendojë që të bëhet nënë. “Ajo është e lumtur që Chris dhe Drake janë baballarë shumë të mirë dhe Rihanna nuk ulet të mendojë se pse nuk është ajo nëna e fëmijëve të tyre. Megjithatë kjo e bën të mendojë më shumë që të ketë edhe ajo fëmijë. Rihanna është shumë e fiksuar sa herë që ka fëmijë rrotull saj”, – ka thënë mikja e këngëtares 30-vjeçare. Gjithsesi kjo nuk do të thotë se shumë shpejt Rihanna do të bëhet nënë, sepse ajo kërkon të marrë gjithë kohën për t’i bërë gjërat ashtu siç duhet. Mikesha e këngëtares ka thënë se Rihanna nuk dëshiron që të punësojë dikë për fëmijët që do të sjellë në jetë, sepse do të kujdeset vetë për ta. Për këtë arsye këngëtarja kur të kuptojë se është gati, do të mendojë seriozisht të krijojë një familje. /revistawho.com