Prej disa muajsh televizionet shqiptare janë përfshirë nga vala e gjatë e ndryshimeve. Gazetarë dhe prezantues të njohur kanë nënshkruar kontrata me televizione të ndryshme dhe me fillimin e sezonit të ri do i shohim në ekran nën logo të tjera.
Teksa dje ka startuar në ‘Digitalb’ emisioni sportiv “Bar Skedina” është vënë re edhe një ndryshim tjetër. Prezantuesja e mëparshme Bora Zemani, është zëvendësuar nga ish-velina e “Fiks Fare”, Gea Braha.
Gea është bërë pjesë e televizionit rreth katër vite më parë dhe eksperienca në emisionin investigativ duket se i ka hapur rrugët drejt suksesit.
Edhe më parë ish-velinat e “Fiks Fare” e kanë përdorur atë studio për të bërë një karrierë të gjatë e të suksesshme në TV./revistawho.com
