G Bani ishte i ftuar mëngjesin e sotëm në studion e “Wake up” ku ka folur për eksperiencën e tij në Big Brother VIP, por dhe raportin e shumë komentuar me Danjën. Reperi u shpreh se ka qenë i dashuruar me banoren dhe se ajo e inspironte. G Bani zbuloi gjithashtu nëse ka kontaktuar me të dashurin e saj.
”Do më merrte malli për Danjën. Isha i dashuruar kokë e këmbë me të. Tani nuk jam më. Reflektoj dhe shikoj shumë shpejt se çfarë po ndodh. Jam i dashuruar me të qenit në dashuri. Më inspironte, ishte muza ime, e ushqeja unë këtë gjë. Dola nga dashuria shumë shpejt. Nuk kam pasur komunikim me Redin. Ai ka kontaktuar familjarë të mitë dhe ka kërkuar që të mbarojë kjo gjë. Ka qenë komunikim njerëzor, korrekt. Të ishte ndryshe, do ishte marrë vesh.”, tha G Bani.
