Pete Davidson ka hapur zemrën për një nga periudhat më të vështira të jetës së tij, duke rrëfyer se lidhja e bujshme me Ariana Grande në vitin 2018 i solli më shumë dhimbje sesa lumturi. Aktori kujtoi se menjëherë pas romancës, u përball me një valë të madhe vëmendjeje për të ashtuquajturën “BDE” (Big Dick Energy), një term që, sipas tij, e reduktoi në një imazh thjesht seksual.
“Isha i turpëruar. Askush nuk fliste për mua si artist, vetëm për një pjesë të trupit tim,” tha ai gjatë një interviste në podkastin *The Breakfast Club*. Davidson shpjegoi se vëmendja e tepruar nuk lidhej fare me punën e tij dhe se kjo e bëri të ndihej “i ekspozuar dhe i përdorur”.
Aktori pranoi se komentet publike të Arianës mbi “madhësinë” e tij vetëm sa e thelluan këtë ndjesi. “Nëse kjo do t’i ndodhte një vajze, do kishte protesta në rrugë,” theksoi ai.
Edhe pse nga jashtë mund të dukej si një histori e ëmbël dashurie, Davidson e përshkroi përvojën si “shqetësuese” dhe “disi traumatike”. Për të, ky kapitull nuk ishte një kujtim romantik, por një periudhë ku ndjeu se imazhi i tij personal dhe profesional u zbeh nga thashethemet.
