Miss Shqipëria 2018 ka filluar prej javësh përgatitjet për natën finale të 11 qershorit. Deri atëherë vajzat do të vizitojnë qytetet e Shqipërisë duke promovuar kulturën dhe bukuritë natyrore. Bukuroshet e përzgjedhura sot kanë vizituar Cërrikun. Ato kanë zhvilluar një vizitë zyrtare në bashkinë e qytetit, kanë marrë pjesë në panairin me produktet e zonës dhe kanë qenë prezente në festën e 75-vjetorit të Batalionit të Dumresë. Për ta mbyllur vizitë ato kanë qenë edhe në “Liqenin e Banjës”.
Një takim special ka rezervuar Presidenti i Republikës, Ilir Meta i cili ka takuar nga afër përfaqësueset e bukurisë dhe ju ka uruar suksese në garë. Krahas fotos së postuar me to ai ka shkruar: “Kënaqësi të takoja sot, në liqenin e mrekullueshëm të Banjës në Cërrik, konkurrentet për kurorën e “Miss Shqipëria 2018” dhe regjizorin e këtij eventi fantastik, Petri Bozo. Iu urova suksese në garën për më të bukurën e Shqipërisë”./revistawho.com
