Ditën e premte u zbulua se aktori i njohur Ryan Reynolds ka marrë disa ditë pushim nga puna për të qenë pranë familjes së tij. Burime të shumta për US Weekly kanë treguar se ai u largua nga seti i xhirimeve për 8 ditë, për të ndihmuar ish yllin e “Gossip Girl” pas lindjes së fëmijës së tyre të 3-të. Çifti e shmangu vëmendjen e medias për afërsisht dy muaj pas ardhjes në jetë të fëmijës, gjinia e të cilit ende nuk është bërë e ditur. Kjo ka ndodhur për shkak se ata duan që familja e tyre të jetë normale, dhe fëmijët të rriten të qetë. Blake Lively dhe Ryan Reynolds janë shprehur se pëlqejnë familjet e mëdha, prandaj ende nuk dihet nëse do ndalen te numri tre.
