Pasi gjendja e tij shëndetësore është përmirësuar, kryeministri britanik Boris Johnson i ka shprehur falenderimet e tij mjekëve që e kuruan. “Unë ju kam borxh jetën time”, kështu mësohet t’i ketë thënë ai mjekëve që e shpëtuan në luftën kundër Covid-19. Johnson tashmë është në një gjendje më të mirë shëndetësore pasi tre ditë ai qëndroi në kujdes intensiv. Boris u tha miqve se kujdesi që kishte marrë ishte “shembullor” dhe shtoi: “Unë nuk mund t’i falënderoj sa duhet. Ua kam borxh jetën time”.
Kujtojmë se Johnson infektoi edhe të fejuarën e tij shtatzënë, megjithatë ajo paraqitet në gjendje të mirë shëndetësore.
