Valbona Selimllari mund të cilësohet pa frikë si një ndër femrat më të bukura shqiptare. Që në daljen e saj të parë në ‘Miss Albania ‘91’, ku u shpall fituese, e deri në ditët e sotme, Valbona vazhdon të ruajë ende të njëjtën pamje.
Është thënë shpesh se kohërat nuk kanë arritur ta ndryshojnë asnjë tipar në fytyrën e saj dhe mund të themi se fotografia që ish-missi ka nxjerrë sot nga arkiva mund ta vërtetojë këtë gjë.
Në ‘Instagram’-in e saj Valbona ka postuar një fotografi nga një kohë e largët, që i përket vitit të trazirave në Shqipëri, 1997. Por në këtë fotografi Valbona nuk shfaqet e vetme, ajo është përkrah ish-pjesëmarrëses tjetër të ‘Miss Albania ‘91’, Sonila Caushi. Miqësia mids dy bukurosheve ka nisur që nga konkurimi në kompeticionin e bukurisë dhe vazhdon ende sot e kësaj dite. Por përveç kësaj vihet re se pavarësisht se në ato vite mundësitë dhe rrethanat nuk ishin të përshtatshme që femrat të tregonin kujdes për veten, Valbona dhe Sonila kanë një fytyrë shumë të pastër dhe të freskët. Ndoshta ka qenë mosha, por duhet thënë se dy bukuroshet shqiptare edhe tani që janë nëna kanë një pamje rrëzëllitëse. /revistawho.com
