Një pjesë të kohës së tij këtë fundjavë, moderatori i programit të mëngjesit, Isli Islami ka zgjedhur ta kalojë me ndjekësit e tij duke iu përgjigjur pyeteve të ndryshme.
Isli ka folur shkoqur nëse i është dashur të bëjë ndonjë kompromis vetëm sepse është figurë publike. “Kompromiset janë të pranishme në rrugën e kujtdo, në cilindo profesion, edhe në media patjetër. Përpara se të përgjigjesha mora një 2 minutësh kohë dhe u mendova, thjesht për të qenë 100% i sigurt, por të them me bindje që nuk kam bërë. Flas për kompromise të mirëfillta. Pastaj budallallëqe pa zarar ka gjithmonë”, ka thënë Isli.
Moderatori i është përgjigjur me diplomaci edhe pyetjes nëse ka ndonjë person brenda televizionit të ‘Top Channel’, të cilin nuk do donte ta shikonte.
“Dua t’i shoh të gjithë akoma më mirë. Se që ta dini ju kam vënë lente të reja këtë muaj dhe kam për qëllim t’u shoh edhe pikat e zeza të lëkurës”, ka shkruar më tej Islami.
Prej shumë vitesh Isli drejton programin e mëngjesit së bashku me Ori Nebijaj dhe kimia e tyre në studio apo dhe jashtë saj është komentuar gjerësisht nga ndjekësit./revistawho.com
