Elisabetta Canalis dhe Maddalena Corvaglia janë padyshim dy velinat më të famshmë e të suksesshme në historinë e televizionit italian. Por ato i kanë thënë “Lamtumirë” ekranit dhe kanë ndryshuar jetë. Kështu kanë deklaruar dy bukuroshet që në vitet 1999-2000 kërcenin tek “Striscia la notizia”, për të përjavshmen “Oggi”. “Po hapim një klinikë mjekësore private, një qendër multifunksionale fizioterapike. Do të kemi makineritë e fjalës së fundit italiane. Në të ardhmen nuk përjshatojmë mundësinë e një zone bukurie për trajtimin e trupit”, kanë rrëfyer biondja dhe brunia, që prej ditës së parë janë dy shoqe të pandara.
