ITALI/ Zemra e pacientes pushon për 2 orë: Jam gjallë nga një mrekulli

Elisa Gaiarin 32-vjeçare nga Pordenone në Itali, pësoi arrest kardiak për 150 minuta. Përgjatë dy orëve mjekët i provuan të gjitha, nga masazhi kardiak deri tek transporti në një tjetër qytet ku i bënë “qarkullimin jashtë-trupor” që i shpëtoi jetën, pa i shkaktuar asnjë dëm neurologjik. Këtë histori të rrallë e tregon vetë protagonistja. “Ndodhesha në repartin e kardiologjisë në spitalin “Santa Maria degli Angeli” për një diagnostikim. Aty pata një arrest kardiak dhe nga ai çast e nga ditët më pas nuk kujtoj më asgjë”, ka thënë ajo. Detajet që Elisa i ka jetuar por ka qenë e pavetëdijshme, i tregon drejtori i repartit Flavio Bassi për “Il Messaggero”. “Kemi ndërhyrë menjëherë, por të gjitha përpjekjet për ta rizgjuar nuk po jepnin rezultat. Zemra nuk i rrihte më. Pavarësisht mungesës së një protokolli apo guide, unë vendosa që ta transferonim në repartin e kardiokirurgjisë në Udine. Kishte kaluar një orë që kur i pushoi zemra dhe para nesh kishim misterin që na priste në autostradë: një ambulancë duhet të përshkonte 50 kilometra, në mes të ditës, duke llogaritur trafikun e të papriturat. Ja doli! 38 minuta më pas, pacientja ishte në duart e specialistëve udinezë”, tregon mjeku.