Në një periudhë ku po diskutohet për çmimet e larta apo problemet me shërbimin në vendin tonë gjatë sezonit të verës, shumë prej personazheve të njohur të ekranit kanë zgjedhur të pushojnë jashtë kufijve. Afërdita Dreshaj, Rozana Radi, dhe Anxhela Martini kanë preferuar Italinë fqinje për të kaluar pushimet e tyre.
Rozana ka zgjedhur të vizitojë disa nga destinacionet më të bukura në Itali për të kaluar disa ditë pushimi. Roma, Napoli, Capri kanë qenë disa nga vendet ku Rozi ka kaluar këto ditë të nxehta vere.
Një tjetër personazh që ka zgjedhur Caprin është edhe Anxhela Martini. Duket sikur pushimet nuk kanë të mbaruar për të. Nisën me disa ditë në Turqi, më pas në Mykonos dhe tani së bashku me bashkëshortin e saj po shijojnë bukuritë e Caprit.
Nga New York-u në Itali. Afërdita Dreshaj ka zgjedhur gjithashtu Italinë për të pushuar së bashku me partnerin e saj.
Vajzat kanë ndarë me ndjekësit e tyre në rrjetet sociale foto dhe video të lokacioneve që kanë vizituar gjatë gjithë këtyre ditëve duke na bërë edhe ne pjesë të pushimeve të tyre në një farë mënyre./revistawho.com
