Ivanka Trump ka zgjedhur hapësirën e saj në ‘Instagram’ për ti uruar ditëlindjen e 37-të të bashkëshortit Jared Kushner.
Por shumë nga ndjeksit e Trump, nisur nga foto që Ivanka publikoi, ngritën dyshime për një shtatzëni të mundshme të saj.
“Gëzuar ditëlindjen Jared! Faleminderit që je babai, bashkëshorti dhe miku më i mirë që unë mund të kisha ëndërruar”-shkroi 36 vjeçarja mbi foton e postuar, ku shfaqet së bashku me bashkëshortin dhe njërën dorë e mban mbi barkun që duket goxha i rrumbullakosur.
Pas spekulimeve të shumta nga ana e komentuesve për një shtatzëni të mundshme, ajo shtoi hashtag-un “#throwback.”
Pra ishte një foto e vjetër, i përket janarit të vitit 2016, dy muaj para lindjes së djalit të saj Theodore. Çifti ka edhe dy fëmijë të tjerë Arabella, 6 vjeç dhe Joseph, 4 vjeç.
