Era Istrefi ka qënë e ftuar në një prej radiove më të rëndësishme Britani, Kiss UK, ku ka folur për suksesin e jashtëzakonshëm të “Bonbon” si dhe për projektet muzikore që priten të publikohen së shpejti. Në intervistën e saj, Era ka zbuluar edhe mesazhin që fshihet në këngën e saj të suksesshme pavarësisht se duket shumë argëtuese. Ajo ka shpjeguar se “Bonbon” flet për njerëzit të cilët janë të friksuar që nuk kanë një partner por kjo nuk është aspak e drejtë sepse ne kemi veten e tonë dhe mund të kënaqmi dhe argëtohemi pa patur nevojë e një partneri. Ndërkohë që është pyetur për artistët që frymëzojnë këngëtaren, ajo është shprehur: “Eshtë Rihanna, Beyonce dhe Lana Del Rey”. Por duket se prezantuesit i ka bërë përshtypje kjo e fundit, dhe ka kërkuar të dijë diçka më tepër. “Ka një histori në fakt më Lana Del Rey. Përpiqesha të hiqja mërzinë, trishtimin dhe dihet që kjo ndjesi është e keqe dhe duhet ta heqim qafe sa më shpejt të jetë e mundur por Lana Del Rey më ka bërë të kuptoj se trishtimi mund të jetë shumë i bukur nëse e kthen në art. Ky ka qënë mesazhi që kam marrë nga muzika e saj, të cilën e shijoj shumë”- ka shtuar Era.
