Ja çfarë ka bërë Amber Heard me paratë e fituara nga divorci

Amber Heard ka dhuruar çdo qindarkë të 7 milionë dollarëve të marra nga marrëveshja e divorcit të saj nga Johnny Depp, për bamirësi duke ndihmuar gratë e dhunura dhe fëmijët e sëmurë. Heard 30-vjeç është shprehur se ato para po i dhuron për “American Civil Liberties Union” dhe “Children’s Hospital of Los Angeles”, për të cilat ka punuar rreth 10 vjet si vullnetare. Paratë do të ndahen në mënyrë të barabartë për të dyja shoqatat e bamirësisë. “Paratë nuk kanë patur ndonjëherë rëndësi për mua personalisht dhe nuk kanë, me përjashtim të rasteve kur i kam dhuruar për bamirësi dhe shpresoj t’i kem ndihmuar sadopak ato që nuk mund të mbrojnë veten e tyre”, ka thënë Heard. Heard, e cila është paraqitur me dëmtime në fytyrën e saj në muajin Maj, është shprehur për “TMZ” se ajo shpreson që vendimi saj për t’i dhuruar paratë e divorcit për bamirësi, mund të sjellin ndryshime pozitive në jetën e atyre personave që kanë më shumë nevojë.