Ja çfarë merr gjithmonë me vete deputetja e Kosovës, Mimoza Kusari Lila

Deputetja e Kuvendit të Kosovës, Mimoza Kusari Lila, mesa duket ka një objekt pa të cilin nuk largohet asnjëherë nga shtëpia, atletet e vrapit. E ftuar në emisionin “Rudina”, deputetja ka treguar se i pëlqen të vrapojë dhe kudo që shkon atletet i merr me vete, si në udhëtimet brenda vendit ashtu edhe ato jashtë. E pyetur nga moderatorja e emisionit Rudina Magjistari, sesi arrinte të qëndronte në formë kaq të mirë fizike, deputetja tha: “Unë vrapoj çdo ditë, jemi një grup miqsh që na pëlqen vrapi, kam marr pjesë në disa maratona, në njërën prej tyre kam kryer 42 Km, madje kam arritur deri në gjysmë të maratonës që u zhvillua në Tiranë në vitin 2016. I kam gjithmonë me vete atletet e vrapit, edhe kur udhëtoj”. Përveç sportit, Kusari Lila ka zbuluar edhe një tjetër pasion të sajin, dashurinë për lulet. “Kudo ku kam shërbyer, në bashki, në ministri por edhe në shtëpinë time jam e rrethuar nga lulet, më pëlqejnë shumë lulet, e kam të trashëguar nga nëna ime”, – ka thënë politikania. / revistawho.com