Lidhja e veçantë mes motrave Bregu është kuptuar edhe në publik. Vazhdimisht, ato e konsiderojnë të veçantë lidhjen me njëra-tjetrën dhe po aq të veçantë secilën motër. Janë tre, por Ornela dhe Majlinda Bregu janë dy motrat që i njohim mirë të gjithë. Të dashura për ekranin dhe publikun, motrat duket sikur bëhen më interesante kur tregojnë “defektet” e njëra-tjetrën.
Këtë pasdite, e ftuar në “Pasdite në Top Channel”, Majlinda Bregu, jashtë profilit të saj politik, ka folur edhe për marrëdhënien me dy motrat. Raporti mes motrave nuk mbaron kurrë, veçon Bregu, njësoj si raporti i nënës me fëmijët. Kështu e sheh edhe Majlinda raportin me dy motrat e saj, por specifikon edhe disa detaje që nuk ua paskemi ditur. “Ne të tria ngjajmë tmerrësisht në zë, nuk na dallon kurrë nga telefoni. Po të duam të manipulojmë dhe të folurin, na ngatërron dhe mami’,- rrëfen Bregu me të qeshur duke theksuar se ato janë gati identike në natyrën e tyre, por mund të dallojnë vetëm kur marrin vendime. Ornela, p.sh., është ajo që i merr vendimet në kohë rekord: “Ornela merr vendime në të 100-at e sekondës, aq sa mua më çmend. Aq e urtë sa duket, aq ekspresive është”, – thotë Majlinda.
Kush e di se si është ndier Ornela kur e ka dëgjuar të motrën nga ekrani.
Ndërsa motra e madhe është një natyrë më afër Majlindës, ajo që vazhdon akoma t’i urdhërojë dhe të jetë një lloj komandateje, meqënëse është më e madhja./Class
