Tashmë jemi përballur me një listë disavantazhesh të përdorimit të smartfonave, që nga papastërtitë që mbartin, aknet që shkaktojnë në pjesët e faqeve, valët e dëmshme për dëgjimin e shumë të tjera si këto që të gjithë ju i neglizhoni. Por prisni sepse efektet negative të përdorimit të smartfonave nuk kanë mbaruar. Ky zbulim është bërë nga dermatologia njujorkeze Jeanette Grad, e cila shpjegon se pozicionimi i qafës në kohën që ne jemi duke përdorur telefonin shkakton rrudha dhe vija të holla në zonën e qafës.
E dini që rrudhat e qafës janë të vetmet rrudha të parikuperueshme në trupin e njeriut? Ato janë i vetmi dëshmitar i moshës së vërtetë të çdo individi prandaj filloni të evitoni përdorimin e telefonave, sepse shumë shpejt të 30-at do të duken si të 50at dhe kjo është gjëja e fundit që do të dëshironim.
Dermatologia rekomandon përdorimin e telefonit në një vijë lineare me shikimin, jo siç bëjmë zakonisht me kokën poshtë. Shtojini gjithashtu rutinës së kujdesit ndaj lëkurës suaj edhe kremin antirrudhë të pjesës së qafës sepse kështu mund t’i parandaloni. Asnjëherë nuk është vonë./class
