Megjithëse grupi i famshëm One Direction fatkeqësisht u shpërbë duke zgjënjyer miliona fansa, media roze është bërë kurioze të dijë se çfarë bëjnë djemtë me jetën e tyre dhe nëse ato e vazhdojnë rrugëtimin si artistë solo apo kanë vendosur të marrin drejtime të tjera duke u larguar nga muzika?!
Ai që së fundmi ka bërë bujë është 22-vjeçari Liam Payne i cili do të nënshkruajë një kontratë si këngëtar solo me studion e famshme nga e cila ka dalë dhe Frank Sinatra, “Capitol Records UK”. Liam shprehet se ndjehet tej mase i vlerësuar dhe menjëherë ka nisur krijimin e materialeve të reja muzikore.
Harry Styles po bën një shkëputje nga industria e muzikës për t’u përqëndruar tek ajo e filmit. Momentalisht ai ndodhet në xhirimet e filmit më të ri i cili del në treg në vitin 2017 “Dunkirk”.
Niall Horan pak kohë më parë ka krijuar dhe lançuar një kompani golfi por në të njëjtën kohë është në studio regjistrimi duke punuar me projekte të reja muzikore.
Louis Tomlinson i cili është shpërngulur në Amerikë ka nënshkruar një kontratë me “America’s Got Talent” për t’u bërë pjesë e jurisë, ndërsa ai që u largua i pari, Zayn Malik ka nxjerrë në treg albumin e tij të parë si solist, “Mind of Mind”.
