Ja çfarë thotë Kimi për ata që e urrejnë

Kim Kardashian ka pushtuar kopertinën e revistës “Forbes”, përmes së cilës ka dhënë një mesazh për të gjithë ata që e kritikojnë. Teksa qëndron me krahët e saj të kryqëzuar, ylli i “Keeping Up With the Kardashians”, e cila është përshkruar si një person i fuqishëm ne media, duket tepër e vetëkënaqur. Kjo vetëkënaqësi është e kuptueshme pasi në kopertinën e kësaj reviste shkruhet: “Ajo ka bërë 45 milionë dollarë vetëm nga një lojë”. Kim renditet në vendin e 42-të të listës së personave më të pasur të realizuar nga “Forbes”, e cila ka fituar 51 milionë dollarë vetëm vitin e kaluar. “Një nder tepër i madh për mua të jem në kopertinën e revistës prestigjoze “Forbes”. Kjo nuk ka qënë ndonjëherë ëndrra ime por jam e bindur që babai im do ishte krenar. Jo keq për një vajzë pa talent”, ka shkruar në rrjetin social “Twitter”, Kim.