Ato romantiket me siguri do të kenë të dokumentuara në telefonin e tyre 3-4 foto të fustaneve të nusërisë që ëndërrojnë. Po ashtu edhe te lidhurat prej vitesh që mendojnë herë pas here se kur do të jetë dita që i dashuri i tyre do bëjë hapin e madh. Ditën e lindjes, ditën e të dashuruarve, apo në ndonjë festë tjetër?Nëse edhe i dashuri juaj lexon të rejat e fundit dhe i interesojnë tendencat, atëherë shënojini mirë datat e mësipërme, por nëse nuk e ka idenë për asnjë nga ato që thamë deri tani, atëherë duhet të shikojmë se çfarë thonë studimet.
Në një studim të fundit të realizuar në Angli, propozimet më të shumta bëhen në ditën e Krishtlindjeve dhe unazat me gur jepen me sfond dritat festive. 33% pra e propozimeve realizohen në ditën e Krishtlindjeve, 22% për Shen Valentin dhe 18% në ditën e ndrrimit të viteve.
I njëjti studim tregoi gjithashtu se 51% të meshkujve preferojnë mënyrën klasike për të propozuar (Do të martohesh me mua?), ndërsa 11% nuk janë kundër një propozimi më modern.
Cili është rezultati?
Shpejtoni për një manikyr, sepse pak ditë na ndajnë nga Krishtlindjet./revistaclas
