Me kalimin e viteve,festat e kanë humbur simbolikën e tyre reale,duke u komercializuar gjithmonë e më shumë.
“Dhuratat i pranon dhe mbreti” thuhet, pavarësisht nëse janë të çuditshme apo jashtë pritshmërive. Personazhet e showbiz-it botëror, ndër vite kanë marrë dhurata nga më të çuditshmet prej miqve të tyre.
Chrissy Teigen
Për krishtlindjet e vitit 2015,këngëtari John Legend i dhuroi gruas së tij, Chrissy Teigen, një rrotë djathi gjigande. “Ëndrra e jetës,pasta dhe rizoto me djath për 4 vitet që vijnë”-shkroi në atë kohë Chrissy në foton e publikuar në llogarinë personale në Instagram.
Rihanna
Mikesha e ngushtë kanë surprizuar Rihannën me një skulpturë nga Jeff Koons. Në qoftë se ajo që shihni, ju duket e çuditshme, nuk jeni të vetmit. Në foto duket një delfin, i vendosur mbi një stol, këmbët e së cilit janë futur brenda një gomë të zakonshme. Nuk e dimë sa mund t’i ketë kushtuar mikeshës së Rihannës kjo dhuratë, por me siguri Riri duhet të ketë një lidhje simbolike me të.
Mike Tyson
Ish- kampioni i boksit, në kohën kur ishte i martuar me Robin Givens, i dhuroi asaj për festa një vaskë 2 milion dollarë. Unazë apo byrzylyk diamanti do kishte qenë një zgjidhje më e mirë, por shpresojmë ta kenë shijuar sadopak vaskën, përpara se të divorcoheshin.
Zac Efron
Në 2015, nëna e aktorit Zac Efron i dhuroi të birit për krishtlindje një libër gatimi. Siç shihet në foto titulli i librit lidhet me një pjesë specifike të trupit të mashkullit. Nuk dihet në qoftë se Zac është sjell mirë ose jo atë vit,por nëna e tij i rezervoi një dhuratë vërtetë pikante.
Brad Pitt dhe Angelina Jolie
Në ditët e tyre më të bukura, Angelina Jolie dhe Bred Pitt kanë surprizuar njëri-tjetrin me dhurata nga më të shtrenjtat. Një vit Jolie, bleu një ujvarë në Kaliforni për Brad Pitt. Çifti planifikoi të ndërtonte një shtëpi, pikërisht poshtë saj, për të shijuar këtë bukuri të natyrës.
Taylor Swift
Taylor Swift, me siguri ka një hapësirë plot me dhurata nga ish-at e saj,por kjo me siguri ka qenë një nga dhuratat më simbolike.
Në kohën kur Swift shoqërohej me DJ Calvin Harris,ai i bleu asaj një pemë ulliri,dhe e mbolli në kopështin e saj. Një dhuratë tepër sentimentale,pasi besohet se kjo pemë jeton me qindra vjet, më shumë nga sa zgjati lidhja e tyre.
Beyonce
Rikthehemi në 2011, Jay-Z surprizoi bashkëshorten e tij Beyonce,duke i blerë një grumbull me canta të markës “Hermes Birkin”. Sipas burimeve, ai shpenzoi mbi 350,000 dollarë me këtë blerje. Çdo fëmër do ishte e lumtur me një dhuratë të tillë./revistawbo.com
