Përdorimi i një maske flokësh duket si diçka shumë e thjeshtë. Me siguri ju përdorni këtë metodë: masazhoni flokët kur aplikoni maskën dhe pas pak minutash i shpëlani apo jo? Por jeni duke vepruar gabim. “Gabimi më i madh që bëjnë njerëzit kur aplikojnë një maskë flokësh është se asnjëherë nuk i lagin flokët plotësisht.” thotë stilistja e flokëve Riawna Capri. Duhet ta pranojmë se zakonisht i bëjmë gjërat me shumë shpejtësi dhe procesin e aplikimit të maskës nuk e kryejmë siç duhet.
Shumica e njerëzve pothuajse të gjithë maskën e aplikojnë vetëm në krye të kokës dhe pjesën tjetër të flokut e harojnë. Sipas Riawna Capri duhet ta nisni nga pjesa e qafës(duke qënë se aty ndodhen shumica e flokëve të sapo mbirë) dhe më pas të kaloni në pjesën e sipërme të kokës. Ato pjesë të flokut që i harroni pa aplikuar maskën janë zakonisht më të brishtat dhe janë shumë të dëmtuara kur i mbani flokët gjatë gjithë kohës të lidhur, kështuqë duhet të tregoni kujdes për çdo pjesë. Gjithashtu ju nuk mund të arrini të aplikoni maskën në çdo fije të flokut duke përdorur vetëm gishtat. Duhet të përdorni një krëhër të përshtatshëm, i cili bën që maska të arrijë në çdo fije, por edhe heq qafe çdo koklavitje të flokut. Prandaj herën tjetër kur të aplikoni maskën gjatë larjes kujtoni këto këshilla dhe u sigurojmë se do të keni flokë të butë dhe të shndritshëm.
/revistawho.com
