Jimmy Donaldson ose ndryshe MrBeast, është krijuesi digjital më i suksesshëm në vitin 2023, sipas një analize të bërë së fundmi nga “Forbes”. Fitimet e tij arrijnë në 82 milionë dollarë.
Të dytët në listë janë Rhett & Link me 35 milionë dollarë, i ndjekur nga PrestonPlayz dhe Ryan Kaji me të njëjtën shumë, ndërsa në vendin e pestë është Jake Paul me 34 milionë dollarë fitime.
10 më të suksesshmit e parë janë meshkujt, femra e parë gjendet vetëm në vendin e 11-të dhe është tiktokerja dhe YouTuber-ja e njohur Charli D’Amelio. Së bashku me të, në listë janë edhe Emma Chamberlain, Alexandra Cooper, Huda Katan dhe Bailey Sarian.
MrBeast është YouTuber-i më i ndjekur sot me mbi 200 milionë ndjekës.
Ai publikoi videon e tij të parë në YouTube kur ishte vetëm 13-vjeç, në shkurt të vitit 2012. Vitet e para, ai u përpoq të mposhtte algoritmin e platformës për të mbledhur sa më shumë abonentë dhe shikime, por në të vërtetë fillimisht dështoi.
Në fillim ai luajti video-lojën e njohur Minecraft, më pas Call of Duty, më pas u përpoq të vlerësonte fatin e YouTuber-ve të tjerë dhe të komentonte situatat dramatike në të cilat u gjendën krijuesit e tjerë. Më pas ai dilte rrallë para kamerës. Ai arriti të mbledhë disa shikime duke u tallur me krijues të tjerë në vitin 2016 dhe në atë kohë ai kishte tashmë rreth 30.000 persona të abonuar.
Ai gjithashtu u regjistrua në kolegj në atë kohë, por zgjati vetëm dy javë para se ta braktiste, duke i thënë nënës së tij: “Më mirë të jem i varfër sesa të bëj asgjë përveç YouTube”.
