Trashëgimtarja e Top Medias, Lori Hoxha, prej ditësh po kalon pushime në ishujt Maldive. Pak ditë më parë u zbulua se bashkë me të ishte edhe çifti Ledri Vula e Adela Sollaku miq të Lorit, por jo vetëm ata. Bashkë me fashion blogger-en e njohur është edhe i dashuri i saj. Pavarësisht kujdesit që trashëgimtarja e Top-it tregon vazhdimisht për postimet në rrjetet sociale, i dashuri I saj Vis Bajraktari, duket më i hapur për marrëdhënien e tij. Mjafton një “udhëtim” i shkurtër në profilin e tij në Instagram dhe… i zbulon të gjitha pikëpyetjet. Prej kohësh, Visi dhe Lori janë duke jetuar dashurinë e tyre larg vëmendjes mediatike, ndonëse ndryshe nga Lori, Visi nuk e ka problem të postojë foto personale me të dashurën e tij në rrjetet sociale. Të lumtur në krahët e njëri-tjetrit, Lori dhe Visi i adhurojnë njëlloj udhëtimet, aq sa shpesh i arratisen jetës së zhurmshme të Tiranës dhe gjejnë paqe nëpër ishujt dhe plazhet ekzotikë. Dhe kjo është e dukshme nga të dy. Edhe në ato raste kur Lori përpiqet “të fshehë” diçka, Visi e tregon. Siç është kjo foto.
Pakkush mund ta ketë vënë re tatuazhin e Lorit në këmbë, por Visi nuk i lodh fare ndjekësit, sepse e tregon vetë me kë është në diçiturën e fotos: “Lovely couple” – shkruan ai duke identifikuar edhe Lorin. Për 23-vjeçarin nuk është e vështirë të përcaktosh stilin e jetës, as të tregosh jetën e luksit. Djaloshi simpatik ka në krah një vajzë fashion, e cila e ka krijuar tashmë profilin e vet, edhe në jetën virtuale. (revistaclass.al)
