Mamaja e Zayn Malik e ka këshilluar këngëtarin të largohet nga grupi i suksesshëm One Direction nëse ai nuk ishte i lumtur si pjesë e tij.
23-vjeçari u bë i famshëm falë grupit One Direction, i cili u formua në “The X Factor”, përkrah Harry Styles, Louis Tomlinson, Niall Horan dhe Liam Payne. Por Zayn theu zemrat e miliona fansave kur vendosi të largohej nga grupi në mars 2015.
Në autobiografinë e cila pritet të publikohet së shpejti, këngëtari i “Pillowtalk” tregon vuajtjen e kaluar deri në momentin e vendimit por pas një bisede me nënën e tij Trisha Malik, gjërat u bënë më të qarta,trasnmeton Top Albania Radio.
“Ndodhesha në një vend të palumtur dhe të pashëndetshëm. Kisha nevojë të rilidhesha me familjen time dhe të përjetoja normalitetin”, shkruan ai. “Më në fund, ishte nëna ime e cila më dha forcën për të cilën kisha nevojë për të marrë vendimin. Ajo më tha se nëse të qënurit pjesë e grupit nuk më bënte të lumtur, më mirë të largohesha”.
