Në datat 12 dhe 13 tetor në redaksinë e muzikës në Radio Tirana u paraqitën mbi 50 krijime për të konkurruar për edicionin e 54-t të Festivalit të Këngës në RTSH, evenimentit më të madh të muzikës në vend organizuar nga Radio Televizioni Publik Shqiptar.
Nën organizimin dhe drejtimin artistik të kantautorit dhe muzikantit të njohur Elton Deda, i cili së bashku me stafin pasi kanë dëgjuar prurjet, kanë përzgjedhur 30 krijimet e reja muzikore, dhe artistët të cilët do të jenë pjesë e 3 netëve të Festivalit.
Sipas traditës i përzgjedhuri i festivali i cili do të mbahet gjatë muajit dhjetor do të shkojë drejt Suedisë, ku në “Ericsson Globe” të Stokolmit do të zhvillohet e dhe Edicioni i 61-të i Festivalit Evuropian të Këngës, njohur ndryshe dhe si “Eurovizioni” apo “Eurosong”.
Ndër emrat e njohur të muzikës të cilët i rikthehen skenës së këtij festivali do të jenë këngëtarë si Eneda Tarifa, Kozma Dushi, Evans Rama, Luiz Ejlli, Voltan Prodani dhe Grupi Simbol.
Sakaq nuk do mungojnë emra të njohur të kësaj decade si Kristi Popa, Entela Zhula dhe Niku, Erga Halilaj, Grupi Revolt Klan, Teuta Kurti, Flaka Krelani, Klajdi Musabelliu, Klodjan Kaçini dhe Rezarta Smaja, Florent Abrashi, Sigi Bastri, Lindi Islami, Jozefina Simoni, Renis Gjoka, dhe Adrian Lulgjuraj.
Risitë që do ketë festivali janë edhe pionierët e muzikës, ekranit, dhe talent shoë-ve nga vendi, ku në këtë kategori vijnë si premierë në edicionin e 54-të të festivalit emra si Egert Pano, Enxhi Nasufi, Dilan Reka, Egzon Pireci, Besa Krasniqi, Edea Demaliaj, Andi Tanku, Nilsa Hysi, dhe Aslaidon, fituesi i The Voice of Albania IV.
Edicioni i 53-të i festivalit u fitua nga këngëtarja Elhaida Dani, e cila e përfaqësoi Shqipërinë në “Eurosong” me këngën “I’m Alive”
