Është e pamundur të mos e njihni bukuroshen Suada Sherifi, ish-missin shqiptar ku gërshetohen njëherazi elokuenca, sensualiteti, tiparet e bukura prej mesdhetareje, të kompletuara nga një buzëqeshje rrëzëllitëse. Vajza e bukur e ekranit është një ndër personazhet televizive më të dashura për publikun,e dhe pse kohët e fundit ka vendosur të distancohet pak prej tij. Arsyeja? Sigurisht që impenjimet në karrierën e saponisur si notere dhe në biznesin e saj të ri, por vajza e saj 10-muajshe është padiskutim impenjimi i saj më i ëmbël.
Ardhja në jetë e një fëmije ndryshon plotësisht ujërat ne jetën e një prindi dhe Suada tashmë po e provon këtë gjë. Në prononcimet e ndryshme në media, mami Suada është shprehur se ka ndryshuar komplet filozofonë e jetës së saj, ambicien, regjimin, botëkuptimin që në momentin që ka marrë në krahë lulen e saj të bukur Deizi. Dhe pyetjes se çfarë ka ndryshuar në jetën saj dhe nëse i është dashur të heqë dorë nga ndonjë gjë, bukuroshja pranon duke buzëqeshur se festat e çmendura dhe schiuma party janë tashmë një kujtim i së shkuarës./Living
