Ja për kë bën tifo kryeparlamentari Meta

Ilir Meta, kryetar i Kuvendit të Shqipërisë, flet për herë të parë për Euro2016 dhe shpreh tifozllikun e tij për ndonjë skuadër. Edhe pse ethet e reformës në drejtësi duket se kanë prekur politikën shqiptare, kryetari i Kuvendit, ekskluzivisht për Newsport.al nuk e fsheh dëshirën se do të dëshironte Hollandën në Euro2016. “Mbetem me Hollandën deri në fund edhe kur ajo nuk kualifikohet. Pas Hollandës, jam me Danimarkën dhe e mbështes si skuadër. Por ndërkohë vendin e saj e ka zënë Shqipëria. Kështu që në këtë kampionat jam vetëm me Shqipërinë. Nëse Shqipëria nuk kualifikohet, (gjë të cilën nuk e uroj dhe kam shumë besim), nuk kam asnjë skuadër të preferuar. Ndaj jam në pritje të ecjes përpara të ekipit tonë kombëtar” tha paraditen e sotme kryetari i Kuvendit, Ilir Meta, për newsport.al. Ilir Meta njihet si tifoz i Partizanit në kampionatin shqiptar. Pak ditë para nisjes së Shqipërisë në Francë për Euro2016, kryetari i Kuvendit publikoi një foto me trajnerin e Kombëtares Shqiptare Giani de Biassi, pas një dreke në një nga restorantet në Tiranë. Dy personazhet e njohur kishin pozuar me duart me shqiponjën me flamur.