Pothuajse në çdo situatë, duke udhëtuar, duke shkuar në shkollë ose punë, duke u relaksuar në shtëpi, duke kryer punët e shtëpisë, kufjet janë bërë pjesë e rutinës sonë. Megjithatë studimi ka treguar se përdorimi i tyre nuk është aspak i mirë për veshët, madje mund të shkaktojë probleme shumë të mëdha.
Ndërlikime në të dëgjuar dhe humbje e dëgjimit
Nëse mbani në vesh kufjet me volum mbi 90 decibel, kjo mund të rezultojë me komplikime të të dëgjuarit e madje edhe me humbje të tij.
Infeksion në vesh
Në rast se kufjet tuaja janë përdorur edhe nga dikush tjetër atëherë ka gjasa të mëdha që t’ju infektohen veshët, kështu që nëse i keni ndarë me dikë ato, sigurohuni që mos t’i përdorni pa i sterilizuar.
Shkaktojnë mpirje të veshëve
Njerëzit që përdorin kufje janë të prirur të dëgjojnë muzikë me zë të lartë, gjë që shkakton edhe mpirjen e veshit e cila pas pak kohe kthehet në gjendje normale, por nëse është afatgjatë mund të shkaktojë shurdhim.
Efekte negative në tru
Valët elektromagnetike të cilat prodhohen nga kufjet mund të shkaktojnë probleme për trurin, shkruan lajmi.net. Edhe pse nuk ka prova mjekësore që e kanë dëshmuar këtë teori, tek përdoruesit e përditshëm të kufjeve dhe ‘bluetooth’, janë gjetur probleme në tru.
