Ja sa është qiraja mujore për të jetuar në shtëpinë e Beyonce e Jay-Z (Fotot e vilës)

Një milionë dollarë. Ky është çmimi që duhet paguar për te jetuar (një muaj) si Beyonce. Në New York jepet me qira me këtë shifër “Sandcastle”, një vilë e mrekullueshme ku popstari amerikan dhe bashkëshorti i saj Jay-Z kanë kaluar verën e vitit 2012-të. E vendosur në lagjen prestigjioze të Bridgehampton, vila iu dha për të jetuar çiftit të famshmë kundrejt një çeku prej 400 mijë dollarësh. Ajo përbëhet nga 12 dhoma gjumi, secila me banjo, një SPA me në brendësi një sauna dhe ambient masazhi, dy pista për të luajtur bowling dhe një sallë kinemaje. Jashtë vilës, ka një hapësirë prej 11.5 hektarë tokë në të cilën ndodhet një pishinë me sistem modern strereo të inkorporuar, një fushë tenisi, një fushë golfi, një hapësirë për “racquetball” dhe një hapësirë për skateboard. Madje ka edhe një mur guri mbi të cilin mund të praktikosh ngjitjen.