Me siguri të gjitha keni patur probleme me majat dyshe tek flokët, të cilat shkaktohen nga dëmtimet prej pajisjeve të ndryshme. Edhe pse është problem i zakonshëm dhe të gjithë e vuajnë, kjo nuk do të thotë që duhet patjetër të mësohemi me të. Ne ju tregojmë si t’i parandaloni dhe t’i zhdukni me këshillat që japin specialistët e flokut.
Krihi flokët lehtë, jo me forcë siç mund të bëni në raste nxitimi. Furça ose krëhëri duhet të kenë dhëmbëza me hapësirë të madhe mes tyre.
Kur përdorni tharësen dhe pjasterin, gradojeni në temperaturë të ulët. Nëse rezultatin nuk e arrini me aq, rriteni gradualisht në mënyrë që dëmtimi i flokut të reduktohet.
Lajeni flokun mirë. Nuk duhet të ketë vajra të mbetur në kokë pas larjes, pasi ndikon në stilimin e flokut, rrjedhimisht edhe në krijimin e majave dyshe.
Trajtoje flokun mirë. Mos i tërhiq fortë, trajtoji me delikatesë dhe nuk do kesh maja dyshe. Gjithashtu 1 herë në muaj përpiqu t’ia bësh qefin flokëve dhe vetes me një trajtim tek specialistët./revistawho.com
