“Bon Bon” i Era Istrefit pati shumë sukses, madje shpejt u kthye në një hit botëror. Në fund të muajit shtator, Era lajmëroi se po punon për realizimin e këngës së re, sërish me Big Bang, producenti i “Bon Bon”, duke iu referuar postimit të saj në mediat sociale.
E teksa Era shijon suksesin, Donat Prevlukaj, me pseudonimin Cricket, ka publikuar në Youtube një video ku tregon se është krijuesi i refrenit të “Bon Bon”. Në këtë video ai shpjegon se krijoi refrenin në studion e tij, duke përdorur disa melodi të ndryshme, madje edhe melodi pianoje.
E sipas tij: “Pas 5 minutash lindi një hit botëror”.
Ai e ka postuar më pas në Facebook, ku thotë: “Një video e shkurtër nga unë, në studion time, si u krijua kënga “Bon Bon”.
Pasi emri tij nuk u përmend për realizimin e kësaj kënge, Cricket mesa duket ka vendosur të publikojë këtë video për të marrë meritat e tij./Blitz.al/
http://https://youtu.be/Oxsv177yEaI
