Mediat greke kanë publikuar emrat e këngëtarëve të famshëm që Klement Balili i cilësuar edhe si “Escobari shqiptar”, i ftonte në hotelin e tij. Sipas tyre Balili kishte bërë në bregdetin e jugut të Shqipërisë një investim prej 20 milionë eurosh. Në gazetën greke “Ethnos” raportohet se në këtë hotel janë ftuar të këndojnë emra të njohur të muzikës greke si Katerina Stikoudi, George Tsalikis, Ilias Vretos etj. “Biznesmeni 44-vjeçar përveç “Santa Quaranta”, është gjithashtu pronar i hotel “Olivia” në bregdetin e Butrintit si dhe i një kompanie private që mban emrin e tij”, shkruan Ethnos.
