Emina Cunmulaj dhe vajza e saj Mia kanë kaluar një pasdite të këndshme mes kafshëve që rriten në fermë dhe disa nga këto momente, modelja i ka publikuar në ‘Instagram’. E vogla është argëtuar shumë dhe kjo duket qartë në fotot e postuara. Modelja, përveçse e ka shoqëruar në çdo moment, ka treguar edhe një detaj shumë interesant. “U kënaq. Ajo është e fiksuar pas fermës. Të paktën me të do jem e qetë sepse e di që do i mbijetojë jetës në fshat”,-ka shpjeguar Emina në njërën prej fotove.
Modelja është e martuar dhe jeton prej vitesh larg vendlinjdes. Ajo ka ndërtuar karrierën dhe familjen e saj në SHBA, por kur ka qenë fëmijë ka jetuar në një fermë, aty ku sot vazhdon të qëndrojë familja e saj. Fakti që e bija nuk shqetësohet nga ferma, bagëtitë apo të tilla detaje e bën modelen të ndihet më e qetë për çdo rikthim e vizitë në vendlindje. /revistawho.com
