Shtëpia e këngëtares me famë botërore Miley Cyrus është djegur plotësisht nga zjarri që pushtoi lagjen VIP në Kaliforni ditët e fundit. Me anë të një postimi në ‘Instagram’ pak orë më parë, ajo zbuloi se ndihet shumë keq për gjithçka ka ndodhur, por është me fat sepse është e sigurt dhe personat më të rëndësishëm për të janë mirë.
“Jam e shkatërruar, por me fat. Kafshët e mia dhe dashuria e jetës sime janë të sigurt dhe kjo është gjithçka që ka rëndësi tani. Shtëpia ime nuk ekziston më, por kujtimet e ndara me familjen dhe miqtë ekzistojnë. Jam mirënjohëse për gjithçka që më ka mbetur. Shumë dashuri dhe mirënjohje për zjarrfikësit. Nëse doni të përfshiheni, dhuroni. Ju dua më shumë se kurrë”,-ka shkruar ajo në ‘Instastory’.
Shtëpia luksoze e Miley nuk ekziston më, por ajo ka edhe dy prona të tjera dhe një pasuri prej 160 milionë dollarësh për të rimarrë veten./revistawho.com
