Orinda Huta ka qenë ditën e sotme pjesë e “telefonatës kurth” në “Top Albania Radio”.
Ajo iu përgjigj telefonatës së Anxhelës, prezantueses së emisionit, e cila ka pretenduar se e njeh bashkëshortin e saj, Turjan Hyskon, prej 2 vitesh.
Më tej, ajo e ka vazhduar bisedën duke i thënë se Turi e ka lënë shtatzënë.
Orinda e ka dëgjuar duke mos reaguar dhe më pas i thotë “ah sa keq më vjen për ty”. Madje kur Anxhela i thotë se nuk do e heqë fëmijën, moderatorja i thotë “sigurisht që jo se është mëkat” duke i thënë më pas se mund t’a mbajë ajo.
Anxhela: Unë jam Erjola, jam një e njohur e Turit. Se në fakt e kam pak me siklet që të mora në telefon, po ka arritur një pikë që duhej ta ndaja me patjetër këtë shqetësim që kam. Unë e njoh Turin që para 2 vitesh nga Këshilli Bashkiak. Numrin tënd e mora nga ai. Turi ka diku te 3 javë që më mua ka bllokuar numrin dhe nuk kam asnjë mundësi që ta kontaktoj. Edhe kur mundohem me numra të tjerë ma mbyll e thotë “nuk dua të kem të bëj më me ty”.
Orinda: Po pse ta ka bllokuar moj xhan?
Anxhela: Shiko, ne pasi u njohëm dy vite më parë, nisëm të flisnim goxha më shumë, u afruam. Nisëm një lidhje të fshehtë
Orinda: Ëhë edhe? Pse të ka bllokuar ty?
Anxhela: Tani më ka bllokuar se i tregova se jam…
Orinda: Shumë mirë ka bërë, ça do ti tani?
Anxhela: Nuk është kaq kollaj, se unë jam 5-muajshe shtatzënë.
Orinda: Ah sa keq më vjen për ty.
Anxhela: Edhe këtë ia thashë para 3-javësh kur më bllokoi.
Orinda: O sa keq, shumë keq më vjen për ty. Po mirë, kur të mundesh të lidhesh me Turin, lidhu kur të duash, edhe gjejeni gjuhën e njëri-tjetrit
Anxhela: Nuk kam si të lidhem me të, ai nuk pranon të lidhet me mua që të flas. Të paktën të mbajë përgjegjësi për fëmijën. Unë këtë fëmijë nuk do ta heq, kjo është pak por e sigurt.
Orinda: Po patjetër, fëmija nuk mund të hiqet kurrsesi se është mëkat. Për Zotin është mëkat. Është se si të vriste një njeri. Sigurisht që nuk do e heqësh, është gjynah.
Anxhela: Tani vetëm nëse unë vij në shtëpinë tuaj ose do të lërë ty pastaj.
Orinda: Ça do më lësh, do më lësh bebin? E mbaj, nuk ka problem.
Anxhela: Jo, të të lërë ty dhe të vijë tek unë.
Orinda: Nuk do më lërë mua, do e lë unë.
Orinda: S’e kam me ty e kam me kalamanin që kam përballë.
Visjani: Thashë se më the mua se Turi jam.
Orinda: Po vetëm Turi nuk je ti.
Visjani: Orinda, o e ke kuptuar se jemi Top Albania Radio o nuk ka mundësi domethënë.
Epo qetësia e Orindës në një situatë të tillë është për t’u admiruar.
