Në episodin e fundit të “She’s On Air” e ftuar ka qenë ish-banorja e “Big Brother VIP 4”, Loredana Brati. Përmes një lidhjeje telefonike, ajo ka treguar për dëgjuesit pak më shumë rreth jetës së saj private dhe eksperiencës si moderatore në programin “Goca dhe Gra”.
Por pyetja që ndezi më shumë kuriozitet ishte ajo mbi statusin e saj sentimental. Moderatoret nuk hezituan ta pyesin nëse ka dikë në zemër, dhe përgjigjja e saj ishte e qartë:
“Gjendja ime sentimentale është, shumë shumë e lumtur. Jam shumë e lumtur dhe kaq di të them. Kjo është gjendja ime shpirtërore. Për ata që më duan, besoj se kjo përgjigje ju mjafton.”
Edhe pse nuk zbuloi më shumë detaje, fjalia e saj ka hapur diskutime mes ndjekësve: a bëhet fjalë për Don Xhonin, një lidhje të re, apo thjesht për një periudhë qetësie e paqeje me veten?
Një gjë është e sigurt – Loredana po rrezaton energji pozitive dhe këtë e konfirmoi vetë me fjalët e saj.
