Prej disa ditësh po qarkullonin fjalë se këngëtarja Tuna Sejdiu dhe partneri i saj Patris Berisha, i kanë dhënë fund lidhjes së tyre.
Ishin vetë çifti ata që na bënë të besojmë ketë gjë pasi Tuna dhe Roberti nuk ndiqen më në Instagram, nuk janë parë prej kohësh së bashku, nuk i uruan njëri-tjetrit Shën Valentinin dhe Tuna e ka hequr mbiemrin e partnerit nga emri i saj në Instagram.
Por në të vërtetë gjithçka është ndryshe. Jo vetëm që ata nuk janë ndarë, por vazhdojnë të kenë një marrëdhënie të shkëlqyer me njëri-tjetrin.
I ftuar në emisionin “Një kafe me Labin”, Patrisi ka hedhur poshtë të gjitha thashethemet që qarkullojnë nëpër portale duke thënë se ai vazhdon lidhjen e tij me Tunën dhe në momentin që nuk do jetë më me të do e bëjë vetë lajmin pubblik.
“Patjetër që vazhdoj të jem me Tunën, në momentin që nuk do jem edhe unë do ta bëj shumë publike se nuk është asgjë. Në momentin që ndahemi, ishalla e do Zoti kurrë mos të ndahen dy persona, por edhe nëse ndahen, nëse është për më mirë për çiftin dhe fëmijën, më mirë është m’u nda, ama në momentin që ndahemi do e bëjmë publike. Secili lufton për një lidhje të mirë po thashethemet nuk ndalen kurrë”, u shpreh ai.
Gjithashtu, Patrisi sqaroi njëherë e mirë pse mbiemri i tij mungon në emrin e Tunës në Instagram.
“Mbiemrin nga Instagrami e ka hequr menaxheri, ka lënë veç Tuna a si e kanë lënë, ku janë kapur, unë as nuk e kisha vënë re”, ka treguar Patrisi.
Ndërsa nga Tuna nuk kemi akoma asnjë reagim publik.
