Publikimi i trailerit të filmit të tyre të ri, që pritej të ishte një moment festiv për ekipin dhe fansat, është shoqëruar me një valë komentesh negative nga disa adresa të dyshimta në rrjet. Në vend që kjo ditë të shënonte vetëm entuziazëm, u kthye edhe në një sfidë ndaj grupeve të organizuara që synojnë të prishin çdo postim.
Në reagimin e saj të fortë, ajo nuk i kurseu fjalët:
“Janë disa grupe të organizuar që mundohen të prishin postimet, si nuk lodheni duke hap accounts? Pse nuk shikoni punën tuaj? Nëse nuk ju pëlqen, mos e shihni!” shkruan ajo, duke mos fshehur habinë për energjinë e madhe që shpenzohet për negativitet.
“Nuk e di kush ka më shumë energji këtu, unë që bëj punën time, apo adresat fake që krijohen çdo 5 minuta vetëm për të shkruar vrer. Imagjino të mos kesh as emër, as foto, as identitet, por të kesh mendim për çdo gjë.”
Ndërsa trailer-i po qarkullon dhe po tërheq interesin e publikut, ajo thekson se nuk mposhtet nga komentet e ulëta:
“Flisni, shkruani, shpikni, unë prapë jam këtu me emër, me fytyrë dhe me jetë. Ju, vazhdoni me komentet. Unë vazhdoj me suksesin.”
Për shkak të fjalorit të papërshtatshëm dhe komenteve fyese që u shfaqën sapo u publikua traileri, ekipi vendosi t’i mbyllë komentet përkohësisht, për të ruajtur një hapësirë të pastër dhe të respektueshme për publikun e gjerë.
Megjithatë, mes zhurmës, ajo dërgoi një falënderim të ngrohtë për ndjekësit e vërtetë:
“Dua t’ju falenderoj nga zemra për mbështetjen dhe komentet tuaja të bukura, që ishin shumë më të shumta se negativiteti. Ju dua fort. Ju jeni arsyeja dhe forca që na bën të vazhdojmë përpara, pavarësisht zhurmës së keqe që vjen nga pak zëra.”
Në fund, mesazhi është i qartë: traileri i filmit të ri ecën përpara, ndërsa zhurma e pak njerëzve humbet në sfond.
