Dashi – Hëna hyn në Peshore, shtëpia juaj diellore e partneriteteve. Jeni gati të argëtoheni me dikë që ju pëlqen të keni pranë. Niseni javën duke vizituar një muze (sugjerim: Selfie Museum Albania) ose shkoni në një park. Bëj shumë foto! Kjo është një ditë e mrekullueshme për të nisur një aventurë, duke krijuar një kujtim që do të zgjasë gjithë jetën.
Demi – Mund të keni një ditë të ngarkuar dhe produktive, por mos harroni të gjeni kohë për argëtim edhe nëse keni shumë punë për të bërë. Hëna hyn në Peshore, shtëpia juaj diellore e rutinave dhe detyrave të përditshme, ndaj planifikoni të kontrolloni listën tuaj të detyrave. Jeta është shumë e shkurtër për të qenë e gjitha punë.
Binjakët –Hëna hyn në Peshore, shtëpinë tuaj diellore të krijimtarisë dhe argëtimit. Shikoni sesi mund ta nisni javën duke bërë gjëra të vogla, por që sjellin argëtim. Ndoshta dilni shëtitje me një mik ose kaloni pasditen në kafe. Pikturoni ose provoni të bëni diçka që keni parë së fundmi në TikTok.
Gaforrja – Edhe nëse keni punë dhe jeni të zënë jashtë shtëpisë tuaj, është koha të përqendroheni në jetën tuaj të brendshme. Hëna hyn në Peshore, shtëpia juaj diellore e shtëpisë dhe familjes, dhe kjo është koha për t’iu përmbajtur bazave. Nga gatimi në shtëpi ose shikimi i filmave me prindërit ose fëmijët tuaj, përqafoni gjërat e thjeshta në jetë.
Luani –Për shkak se Hëna hyn në Peshore, shtëpinë tuaj diellore të komunikimit, ju jeni në gjendje të flisni pa frikë dhe t’i mbështillni mendimet tuaja me dashuri. Jini të hapur dhe të sinqertë dhe mos harroni të thoni gjithmonë atë që ndjeni.
Virgjëresha – Është gjithmonë mirë të merrni parasysh financat tuaja pasi Hëna hyn në Peshore, shtëpia juaj diellore e parave. Edhe nëse keni dëshirë të shpenzoni, jini gjithashtu të vetëdijshëm për paratë dhe jini në gjendje të përqendroheni në kursim.
Peshorja – Ju e kuptoni vlerën e dashurisë për veten, por gjithmonë ka vend për më shumë. Hëna kalon në shenjën tuaj dhe ka ardhur ora për të kultivuar një jetë që përqendrohet në rritjen personale. Krijoni një listë të gjërave që ju nevojiten dhe dëshironi të bëni dhe shkruani se si e parashikoni përmbushjen e qëllimeve dhe objektivave tuaja. Merrni hapa të vegjël. Mos harroni, ju duhet përparim jo përsosmëri.
Akrepi – Jo të gjitha gjërat në jetë janë të dukshme me sy të lirë, duke përfshirë edhe qëllimet e njerëzve. Me hyrjen e Hënës në Peshore, syri juaj i tretë dhe ndërgjegjësimi psikik arrijnë kulmin. Kur dikush flet, kushtojini vëmendje zërit tuaj të brendshëm. Mund t’ju ndihmojë të lexoni midis rreshtave dhe të vini re kur duhet të tërhiqeni ose të vendosni mure.
Shigjetari – Ju jeni një flutur sociale sapo nis java dhe mendja juaj është e etur për t’u stimuluar nga biseda ndriçuese. Ju gëzoni mundësinë për të krijuar lidhje të forta pasi Hëna hyn në Peshore, shtëpia juaj diellore e miqësive. Ditët e ardhshme janë perfekte për ju. Jeni të shoqërueshëm dhe të hapur ndaj bisedave.
Bricjapi – Hëna që hyn në Peshore inkurajon ekuilibrin në karrierën tuaj, gjë që mund të nënkuptojë të punoni në mënyrë bashkëpunuese në grupe. Ju mund të dëshironi të drejtoni një projekt të ri, por përgjegjësia ndaj të tjerëve është më e madhe. Kjo është koha për t’u fokusuar në diplomaci.
Ujori – Gjithmonë ka një mënyrë të re për t’i bërë gjërat; nëse jeni kurioz, mund të zbuloni diçka që nuk e dinit. Hëna hyn në Peshore, shtëpia juaj diellore e edukimit, e cila është një mundësi për t’u zhytur në tema që lidhen me ligjin, historinë, marrëdhëniet dhe studimet psikologjike.
Peshqit – Mund të jeni diskretë dhe nuk e keni të vështirë t’i mbani gjërat për vete. Në fakt, ju jeni një nga miqtë më të mirë për t’i treguar diçka nëse askush nuk dëshiron që sekreti të dalë në shesh. Hëna hyn në Peshore, shtëpinë tuaj diellore të sekreteve, dhe kjo është një kohë për të ndihmuar një mik të zgjidhë një problem të ndërlikuar. Ju jeni një shpatull për t’u mbështetur dhe një vesh i hapur.
