Kanë marrë sërish vëmendjen e mbarë botës, javët e modës të zhvilluara në Milano, në të cilat nuk ka munguar as prezenca e yjeve shqiptarë.
Kështu Armina Mevlani është shfaqur në disa prej eventeve më të rëndësishme, si Dolce & Gabbana, Dsquared, etj, krah bloggerëve shumë të njohur në botën e modës, njëra prej të cilave është Negin. Show girl-i shqiptar ka arritur t’i sigurojë ftesat për këto mbrëmje të rëndësishme falë suksesit që ka pasur blogg-u i saj, i cili nga sa kemi mësuar do t’i sigurojë një vend edhe në javën e modës në Paris.
Sakaq në darkën e amfAR janë shfaqur krah njëri-tjetrit shqiptari i famshëm Ludo Lee dhe këngëtarja e modelja kosovare, Morena Taraku, e cila duhet thënë se dukej shumë bukur nën fustanin e kuq të dizenjuar nga Blerina Kllokoqi Rugova.
Në koktejlin e amfAR është parë gjithashtu të parakalojë Aurela Hoxha, e cila shkëlqente nën të kuqen e fustanit të realizuar nga Lira Koca. Aurela është takuar në festë me të famshmen Anna Dello Russo me të cilën ka shkrepur edhe një foto.
Po a janë takuar me njëra-tjetrën vajzat bukuroshe? Deri tani asnjë foto të përbashkët s’kemi parë. Duhet të presim.
