“Roc Nation” labeli i cili drejtohet nga Jay-Z ka akuzuar Rita Orën për mos përmbushje të obligimeve. Sipas TMZ, ata e kanë paditur Rita Ora me arsyen se ajo kishte nënshkruar marrëveshjen në vitin 2008 dhe ishin investuar miliona në karrierën e saj.
Jay- Z akuzon Ritën se ajo është dashur të lançonte pesë albume, por sipas labelit, ajo ka publikuar vetëm një.
25-vjeçare ka paditur e para këtë label në muajin dhjetor duke thënë se është ndjerë e “neglizhuar” prej tyre dhe se kishte realizuar këngët për albumin e dytë, por ‘labeli’ nuk i kishte ndihmuar t’i lançonte.
