Një mbrëmje me tensione të forta është shënuar në shtëpinë e Ferma VIP, ku Alba dhe Andueli u përfshinë në një debat të ashpër. Shkak për përplasjen u bë sjellja e Anduelit, e cila sipas Albës ishte e papërshtatshme dhe fyese.
Alba e akuzoi publikisht duke i thënë:
“Burrë i martum i thot vetes. Të duket gjë normale të tallesh me femra? Çfarë bëre mbrëmë? I hedh sytë aty ku nuk të takon. Mendon se është e lehtë për një femër diçka e tillë?”
Sipas saj, ai i kishte hedhur shikime të paetikshme dhe e kishte përqeshur gjatë kohës që ajo po ushtronte.
Pavarësisht akuzave të drejtpërdrejta, Andueli reagoi me qetësi dhe i mohoi të gjitha.
Debati nuk mbeti vetëm mes tyre. Alba zgjuan edhe fermerët e tjerë për t’i përfshirë në diskutim, çka e përshkallëzoi më tej situatën. Më vonë, ajo u tërhoq në dhomën e fakirit ku shpërtheu në lot, por nuk ndaloi së shprehur zhgënjimin dhe akuzat e saj ndaj Anduelit.
