Njerëzit që ne njohim mirë janë si libra të hapur për ne, por ne mund të “lexojmë” edhe disa të huaj ashtu siç “lexojmë” miqtë tanë. Kjo falë një projekti të ri të quajtur Human Library Albania (ose Biblioteka Njerëzore në Shqipëri)
Ky event interaktiv, që realizohet për herë të dytë në Shqipëri, ju mundëson të merrni me qera kohën e pjesëmarrësve të ndryshëm, të cilët quhen “libra”, dhe të mësoni e kuptoni më tepër mbi jetën e tyre. Çdo seksion zgjat rreth 30 minuta dhe vetëm 1-3 persona mund të dëgjojnë njëherazi ndërkohë që “libri” rrëfen historinë e tij.
Midis librave të Human Library Albania mund të përmendim: një prezantues emisionesh televizive të verbër, një kitarist-kantautor 95% i verbër, një djalë gay, një prift me ngjyrë që shërben në Shqipëri, një vajzë biseksuale, një besimtare muslimane me profesion profesore në universitet, një vajzë me çrregullim të sindromës down dhe nënën e saj, një mësuese të meditimit transhendental, një burrë në karrocë, DJ i parë femër në Shqipëri etj.
Koordinatori i projektit “Human Library Albania” Gent Likaj, thotë se “librat” u përzgjodhën qëllimisht nga formime kulturore dhe stereotipizime të shumëllojshme duke përfshirë: shtetas të huaj, shqiptarë që kanë jetuar jashtë, persona me aftësi të kufizuara mendore dhe fizike, njerëz të orjentimeve të ndryshme fetare dhe seksuale.
Duke parë interesin e “lexuesve” gjatë eventit tonë të parë, vendosëm që kësaj radhe bibloteka jonë njerëzore të jetë e hapur për një kohë më të gjatë, dhe gjithashtu numri i librave do jetë më i madh.
Kjo është hera e dytë që Human Library Albania organizohet nga Rotaract Club Tirana, me të drejta të plota të konfirmuara nga organizata mëmë – Human Library Organization (http://humanlibrary.org/).
Human Library është një lëvizje sociale ndërkombëtare që ka për qëllim të inkurajojë bisedat e hapura dhe të sinqerta, si dhe të sfidojë stereotipet dhe stigmat e zakonshme të shoqërisë. Ajo i ka fillesat në Danimarkë 16 vjet përpara, dhe që atëhere është përhapur në më shumë se 60 shtete.
Rotaract Club Tirana është një grup të rinjsh vullnetarë, nga mosha 18-30 vjecë që përpiqen të organizojë projekte inovative në të mirë të komunitetit ku jetojnë. Qëllimet e Rotaract si organizatë ndërkombëtare janë rritja e aftësive drejtuese dhe dinjitetit personal, inkurajimi i praktikës dhe përhapjes së normave të larta etike në biznes, po ashtu promovimi i mirëkuptimit dhe paqes mbarëbotërore.
Human Library Albania do të mbahet ditën e djelë, më datë 30 Prill, nga ora 10:00 deri në 18:00, në ambientet e Innovation Hub në Tiranë.
Pyetjet e edukuara dhe pa doreza janë të domosdoshme në Human Library.
Mjatojnë 30 minuta për të dëgjuar një histori ndryshe dhe për të luftuar një paragjykim të pavendtë.
Hyrja është e lirë, mjafton të prenotoni vendin tuaj.
Më shumë info në:
https://www.facebook.com/events/1275540772541987/
Video Prezantuese per eventin:
RevistaWho.com
