Meghan Markle dhe Princ Harry kanë qenë shpesh në qendër të mediave rozë për shkak të jetës së tyre larg pallatit mbretëror tashmë. Së fundmi në një intervistë për ‘The Evening Standard’ Meghan dhe Harry kanë treguar se si ka ndryshuar jeta e tyre pasi u bënë prindër me Archie-n.
“Ne po ia dalim mirë. Është mirë çdo gjë, jemi me fat që kemi të voglin tonë. Ai është kaq i zënë gjatë gjithë kohës, ndodhet kudo ne çdo vend. Na mban zgjuar dhe jemi kaq me fat”, ka pohuar Markle.
Dyshja u zhvendos në Kaliforni gjatë kësaj vere dhe aktualisht janë duke jetuar në shtëpinë e tyre të re në Santa Barbara. Gjatë kësaj periudhe ata e kanë pasur të pamundur për të udhëtuar drejt mbretëreshës apo familjarëve të tjerë të pallatit mbretëror, por janë shprehur se do të përpiqen t’i takojnë së shpejti./revistawho.com
